Sleutelwoorde
bloganuary, bloganuary-2024-31, dailyprompt, dailyprompt-1834
Dit was ‘n bittere stryd om te leer motor bestuur, ek het eers die derde keer wat ek probeer het, my bestuurstoets geslaag. My arme boetie moes in bittere koue op parkeerareas die vier pienk kartonpale wat my mammie in vier asblikkies staangemaak het, optel en kyk wat ek verkeerd doen om hulle keer op keer om te stamp. Ek het my eie karretjie gekoop en met hom geoefen, ‘n rooi Volkswagenkewer.
Die dag toe ek daardie toets slaag, het my boetie uit pure uitbundige verligting reg rondom die lisensiekantoor gehardloop.
My gebrek aan ‘n sin vir rigting het ook nie gehelp om my bestuurdery makliker te maak nie. My kinders was heel filosofies: hulle het verwag om ten minste een keer te verdwaal elke slag as ons ‘n nuwe pad moes ry (dit was in die dae voor GPS).
Nou is ek in die VSA, waar mense aan die verkeerde (= regter-) kant van die pad ry. Ek hou nou al as voetganger mooi regs in plaas van links en is dus nie meer stroomop nie, maar ek gaan dit nooit, ooit waag om hier in ‘n kar te klim en iewers heen te probeer ry nie.
Naskrif: Baie dankie, julle wat hier kom lees het, vir julle ondersteuning en interessante kommentaar. As dit nie vir julle was nie, sou ek met Bloganuarie liederlik in die hek geduik het 🥰
Tannie Frannie 
Bravo, vat vyf suster! Jy kan as jy wil nê, moenie dit vergeet nie. Ek het ‘n poeierblou kewer uit die box gekoop(my Pa het geld voorgeskiet)
Mooi loop aan die regtekant van die straat daar in die verte.
My pa het ook gehelp met die koop van “Die Rooi Pampoen”!
Ja, as dit nie vir die Pa’s was nie sou ons net sonder moes bly en dit nogal in ‘n land waar afstande groot is. Ek kom nou agter met die blyery op ‘n “klein” eiland. Afstande wat hier is kannie vergelyk word met Afrika s’n nie.
Ek het ‘n geel 1956 Volkswagenkewer geleen. Die dag toe ek my toets geslaag het het ekgehuil van die verligting. Snaaks genoeg, hou ek deesdae baie om selfs lang afstande te bestuur. Ek het hierdie reeks van jou baie geniet!
vuurklip se eerste motor was ook ‘n Kewer, wit, uit die boks vir R1440.
Lag ek nou lekker vir jou, ek wou ook nie in Kazakhstan bestuur nie, dit is net een te veel om aan die verkeerde kant van die pad te wees. En, wat van voetgangerpaaie? Mens moet dan regs, links, reg kyk en nie andersom nie. Ek het paar keer groot geskrik vir motor wat van die verkeerde kant af te naby aan my kom verbyry. Het liewers by robotte oorgestap. Was lekker, ek dink jy is soms te straf op jouself, maar ek het heerloik gekuier.
Veels geluk en welgedaan!! Dit was nogal ‘n uitdaging!!👍
Ek het jou skryfsels vir Januarie baie geniet, dankie daarvoor. Ek is byna vol sirkel met motorbestuur, glad nie meer baie lus daarvoor nie 🙈
Stem hier saam met jou. Ek het my lisensie doeriejare in Johannesburg gekry, maar sal dit nou nooit waag om in enige stad te bestuur nie. Lekker gelees aan jou bloganuarie.
Dit was ‘n interesante reis saam met jou. Dankie Frannie
O rooi is mooi! Ek dink oon nie ek sal daardie regterkant ding kan rwgjry nie. Mooi vir jou bloganuary. Ek wou ook maar het nie eenkeer by die skryf uitgekom nie
Welgedaan Tannie Frannie! Ek het heerlik aan 31 dae se wyshede gelees! Ek het anderdag ‘n vrou ontmoet wat vir die eerste keer vir haar bestuurslisensie gegaan het (en dit geslaag) … en sy was 41! Ek het respek vir sulke mense!!
Welgedaan Frannie! Met die oorbrugging van voetslaner na bestuurder en ook met jou volhardende januarie skrywes!! Jy was n inspirasie!!💞💞
Welgedaan, Frannie! Jy het vasgebyt en ons op ñ heerlike reis saam met jou geneem.