Sleutelwoorde
bloganuary, bloganuary-2024-30, dailyprompt, dailyprompt-1833
Daar is ‘n ou grappie van ‘n tannie wat beweer sy kla nooit nie, sy brom net so ‘n bietjie.
Nouja, as ek nou bietjie moes brom, sou dit oor die liewe Eskom wees. Hier van ver af neem ek gereeld op die straat-WhatsAppgroep kennis van die beurtkragskedule en die stand van watertoevoer, wat eintlik ook maar aan Eskom se genade uitgelewer is.
Vanwaar kry daardie organisasie die vermetelheid om te beweer “loadshedding will be suspended”, so asof beurtkrag die normale stand van sake behoort te wees – dis om van te stik! Hoeveel werksure word aan daardie ingewikkelde skedules gewy – plaas dat die spulletjie die kabels loop en beskerm teen die alewige diefstal!! En dan kry hulle elke jaar salarisverhoging en verhoogde elektrisiteitstariewe!!!
Ummm – nee wag, voordat ek al die uitroeptekens opgebruik, swyg ek liewer…
Tannie Frannie 
Eric, ons tuinier, se huisie het al ten minste drie keer afgebrand met verlies van alles wat hy besit. En die boumateriaal wat die stadsraad verskaf, is een keer gesteel.
Hý het rede om te kla. So vuurklip is tjoepstil. (Maar die m**r in vir ons politici)
Die ergste is dat daar is niks wat ons self daaraan kan doen nie! Natturlik moet ons in die toekomende verkiesing stem.
Dankie dat Tannie Frannie selfs meelewing vir ons het terwyl Tannie in anderland is. Maar wag, ek beter die laaste bondel wasgoed gaan ingooi, want dis binnekort ons beurtkrag tyd … en so moet ons beplan vir alles wat mens in ‘n dag wil doen …
Stem saam
Congratulations on posting daily in January! Impressive! are you exhausted or inspired to keep blogging?
Aww, thank you Alison! Not exhausted, but going to rest on my “laurels” 😉
Ek is bang vir wanneer die krag weer aankom. Mens is miskien dan nie meer tuis nie en jy weet nie wie he wat aan vergeet nie. Jou huis kan af brand of die bedrading kan skade op doen van al die aan en af storie en nogtans die huis af brand al is alles af geskakel.
Dis beslis ‘n geldige klagte. Ek hou nie baie van jou antw dat jy nou weer op jou louriere gaan sit en nie skryf nie! (tong in kies hoor)
Ag Scrapy, ek geniet dit so om jou kommentaar te kry! Jy is gewoonlik die eerste een wat reageer, omdat ons SA vriende slaap wanneer ek pos, en jy is ons ver vooruit wat tyd betref 💖
Sug, en dink net ek word gouer ouer as hulle, haha. Baie bly jy geniet my getjommel. Jy is een van my laaste “life lines” in Afrikaans.