Sleutelwoorde
bloganuary, bloganuary-2024-29, dailyprompt, dailyprompt-1832
Die uwe is ‘n gebore toeskouer en dit geld veral vir sport, want toe sportiwiteit uitgedeel is, was ek agter in die ry. My kinders het gelukkig, danksy die 50%-bydrae van hulle eerstespan-pa, darem op derdespanvlak netbal en rugby gespeel en dan het ek graag gaan kyk.
Deesdae kyk ek saam na Amerikaanse “football” op TV, omdat ek my verstom aan die atletiese manier waarop die spelers val, rol, opwip en verder hol. “Basketball” is ook vir my mooi: daar is ‘n bepaalde glybeweging net voordat ‘n speler die bal loslaat om deur die net te zirts wat mens amper aan ballet laat dink. Rugby is glad nie “mooi” nie, maar verlede jaar se wêreldbeker was hoogs opwindend!
scrapydo2.wordpress.com said:
Dis vir my ‘n woeste spul daardie footballers.
Anne said:
Ek het graag tennis gespeel. As my jonger seun hier is, kyk ek rugby of krieket saam met hom want ek hou van sy kommentaar – op my eie – nee wat.
wetanddustyroads said:
My broer het my van kleins af geleer om ‘n bal ‘ordentlik’ te gooi. En toe ons ‘rounder’ tydens LO periodes in die skool speel, was my onderwyser se eerste opmerking dat ek ‘n bal soos ‘n seun gooi … ek dog al die tyd dis maar hoe ‘n mens bal gooi. Ek kan dalk nie die lekkerste kos maak nie, maar my man vertel altyd vir sy vriende dat sy vrou die beste balgooier is – haha!
Dr Christa van Staden said:
Inderdaad, ek was ‘n rugby-weduwee en toeskouer. Nou geniet ek dit glad nie meer nie