Na vier weke sonder internet kan ek vanaand weer al my blogvriende sien – halloooo!
Laatlam het ‘n huis gekoop en ons is nou redelik reggeskik. Die hond het agtergekom sy kan blaf (trouens, sy lyk vir my groter, soos ‘n vis in ‘n groter visbak sou groei!) en die kat sluip nie meer vervaard rond nie. Die kindertjies geniet die buitelug en ouma adem die voorstedelike stilte in. Blaffende honde dan en wan is ‘n veel beter alternatief as Atterbury se nimmereindigende verkeer.
Drie weke het ons gewag en drie dae lank het Telkom se mense gearbei om ons weer internet-vaardig te kry.
Dankietog…
Tannie Frannie 
Welkom terug op die lug Frannie, ek het jou gemis. Ek hoop julle gaan gelukkig wees in die nuwe huis. Ons is ook behoorlik gesetel in ons nuwe huis, maar ons bedryf die internet nog op die vorige bewonders se DSL rekening. Telkom, o Helkom – ek is amper seker my internet gaan die einde van die maand weer in die mis verdwyn en dan gaan ek weer lelike woorde gebruik.
Het op my slimfoon julle avonture gevolg – sjoe, dat mens 2 maal moet trek net om internet te kry!
Dis nag, sê ek jou, maar ek dink tog op die ou einde gaan ons beter af wees hier nader aan die groter sakesentrums.
Welkom terug. Jy is behoorlik gemis. Hoop julle baie gelukkig in die nuwe huis wees.
Dankie liewe Tina. Ek’s nou op pad Vrydag-byskrifte toe.
Ek het jou pittige bydrae baie gemis
Welkom terug, en dankie vir die inloer daar by my ook.
Hoera, Frannie!Ek het jou gemis.Lekker bly daar in die nuwe buurt.Dit kon geen plesier wees om teen so ‘n besige straat te woon nie.
Bly jy is darem nou weer aanlyn!
Geluk, ek hoop julle woon lekker!
Ja, dankie Seegogga – die enigste plek waar ek lekkerder sou woon is nader aan die see!
Was juis die naweek by die Weskus see. Welkom terug by fie blogosphere
Meer eie ruimte is van die grootste belang, sowel as vir die diertjies!
Beslis stof tot dankbaarheid. Daar is twee teenstrydige dinge oor verhuising: dis glo baie stresvol, maar aan die anderkant sê die Ingelse mos: A change is as good as a holiday. So ek hoop dis steeds vir jou ‘n holiday 🙂
Dankie, ja – ons bly heerlik!
Vertrou jy gaan lekker bly in julle nuwe tuiste. Kan dink jy is bly om van Atterbury se verkeer weg te kom.
Dankie, Kameel – janee, ons haal almal dieper en lekkerder asem hier in die voorstedelike rustigheid.
Baaie dankie vir die kuier.
And, I am afraid that is about all I can write in Afrikaans.
I DO, however, understand most of it.
Hallo! Dan maak ons soos wat jy en jou Duitse korrespondente gemaak het – jy skryf Engels, ek skryf Afrikaans, en ons kuier lekker.
Reblogged this on Wag 'n Bietjie.
Die hond… ja, honde mag blaf! 😉