Vir Una
Vanoggend toe ek opstaan, draai ‘n ou liedjie in my kop − al in die rondte, al in die rondte – en ek hou nie eens eintlik daarvan nie!
Maar vanoggend is my hart so vol dankies dat ek ‘n paar sal moet uitskrywe, anders ontplof dit dalk.
Die lieflike waters van Mosambiek het iewers diep in my siel vasgespoel, ‘n kragbron vir elke dag.
Dis vandag my pappa se verjaarsdag. Ek sit weer in die sonnige sandput en speel, met hom langsaan op die mandjiestoel, besig om vir my skyfies biltong te kerf…
Dit was nog donker vanoggend toe Joshi se klein figuurtjie by die deur inkom. Hy pak die geld waarmee hy vandag (nog) ‘n waaier gaan koop op die bed uit, sy hele wese een stuk opwinding en afwagting.
Hoe kan mens so onverdiend en oorvloediglik met vriendskap geseën word? Soveel so dat jy maar net hoef rond te sit en bederf te word? Die dae daar langs die Hartebeespoortdam, in Una se mooie huis, het my die krag gegee om terug in Pretoria ‘n jillende 8ste verjaarsdagpartytjie te deurstaan.
Seegogga vertel van die suidelike Goue Vroue se oggendtee en ons noordelikes se avonture flits voor my geestesoog. Pret, plesier en geborgenheid – wat meer kan ‘n mens vra?
Tannie Frannie 
Netso, wat meer kan ons vra? Lance James se ‘Dankie’ is my geliefde een.
Ja, ek dink syne was die oorspronklike weergawe ❤
Dis hy ja, nie dat hierdie een nie mooi is nie.
Dis ‘n mooi post … en dis so mooi om dankie te se! Jou pa lyk so statig in daardie foto (en ek onthou ook hoe my pa altyd vir my stukkies biltong gekerf het – wat ‘n mooi herinnering)!
Dis my ouers se enigste troufoto – in 1938 by die hoeksteenlegging van die Voortrekkermonument.
Wat ‘n spesiale foto … jou pa lyk bietjie soos ‘n jonger weergawe van Paul Kruger.
dejligt indlæg, Frannie. Lille Joshi er en skat.
Aww, Mary, thank you for taking the trouble to translate your comment! (Just a tiny problem – I think this must be a Scandinavian language, it’s not Afrikaans. I have a good idea of what you’re saying, though.) 🥰 How are you? All well at home? Wish you would write a blogpost…
Danish, Frannie 🤭🤭🤭🤭
We’ve only just been let out of lockdown, our sixth. I’m just getting out of that fog.
Jy, soos ek, is baie bevoorreg. My kleinkinders, net natuurlik, baie, baie vêr. Groetnis
Dis so gaaf om jou hier te sien!
Mooi geskryf, baie rede om dankbaar te wees.
Dankbaar…dat ek die voorreg het om jou te ken. Jy is so besondere vrou. Ek wens ek het net ‘n kwart van jou styl gehad.
Die Engelse sou sê “the feeling is mutual” en die Amerikaners “right back at ya” 🥰
Laat my dink aan na waters waar rus is…. Mooi skrywe
Ons is die bevoorregtes om tannie in ons lewe te hê, dankie