Vanoggend reën dit nog steeds – bestendig en genadig. Die heerlike geluid voer my terug na ‘n naweek in die Laeveld, lank, lank gelede. My destydse geliefde en ek het by sy pa gaan kuier en dit het net so gereën. Die wêreld was groen, groen met pers spatsels agapant. Ons het na die klankbaan van Zorba geluister, daardie heerlike uitbundige Griekse musiek wat die verloklike filosofie van dans, dans deur die lewe! gedra het.
Ag, ek is lief vir dans…en vir reën…waar is jy nou, Tom? leef jy ooit nog? hoe het die lewe jou behandel? waar is al die jare heen…
Tannie Frannie 
Geel-perske-reën. Those were the days! Ai hoe het alles tog verander. Ons het wraggies weer sneeu op die berge. Lyk of dit darem more begin warmer word.
O genugtig Frannie, jy het jongliefde onthou met hierdie skrywe op hierdie Sondagmore uit spinnerakke losgeruk. Die mooi,mooi onthougoed, voor die lewe ons laat beleef het, né.
Wo sind die Tränen, wo ist der Schnee vom vergangenen Jahr? – Brecht
Wat bly oor van soene? – Hennie Aucamp
Daar is ‘n verre land
‘n Land met net ons twee
Na elke uur wat ons daar was
Is daar nog steeds heimwee.
vuurklip
Oeps – die Brecht aanhaling moet lees:
Wo sind die Tränen von gestern Abend, wo ist der Schnee vom vergangenen Jahr?
Die verlange na vervloeë dae en onskuld…mooi geskryf, Frannie!
Ons het vanoggend al 36 mm uit die reënmeter gegooi en dit reën steeds. Heerlik!
Frannie, die terugloop van gedagtes en onthoue kom soms so onverwags. Koester dit, ek glo dit is reg en goed om ń bietjie heimweë en wonder te ervaar.💗
So baie bly oor julle reën.
Net so lief vir dans, maar my nie meer beskore nie. Sug!!!!
Gelukkig het ons dit na behore gedoen toe ons heupe dit nog toegelaat het!
Pragtig geskryf Tannie Frannie en ek wens ek kan daai rëeen klank hoor en ruik. Geniet dit🌻
Jy maak my skoon hartseer oor die gedansery. Waaaaaar is die dae van loslyf heelaand deur dans?
Reën neem mens ver terug… na die kleindae… en plesiere wat Vader Tyd so nou en dan vir ons laat herleef! 😉
Lieflik geskryf. Die lewe is mooi!
Wat is die kans dat jy hom kan soek? 🙂
“n Ronde nul, Toortsie!
Voor my ma my pa ontmoet het, het sy ‘n ander kêrel gehad. ‘n Paar jaar gelede wonder sy ook of hy nog leef en wat van hom geword het. Kort daarná gesels ek en ‘n vrou by iemand se verjaarsdag. Sy vertel my van die mense by wie sy gekuier het. Dit was daardie man se kinders! Hy was reeds oorlede.
Dis nogal ‘n dilemma – om jou ma te vertel, of nie? Dis nie lekker om sulke nuus te hoor nie.