Die Goue Vroue is ‘n handjievol Suid-Afrikaanse vroue – oud en jonk – wat lief is vir skryf.  Ons is geanker in die werklikheid, maar spoor mekaar met bloguitdagings aan om te fantaseer.  “The Talking Stick” dien in hierdie geval as inspirasie tot wonderbaarlike stories…elke Goue Vrou kry haar beurt.  Hierdie rondte pak ons in alfabetiese volgorde aan.

Dit werk so: as jy die praatstok vashou is dit jóú beurt! Jy praat en die ander moet luister sonder om jou in die rede te val. As jy klaar is met jou storie, gee jy die praatstok vir die volgende persoon aan. (Hierdie konsep is deur Stephen en Franklin Covey in hulle kursusse tot meer effektiwiteit benut om empatieke luister te bevorder).

Volg hierdie skakel as jy ons Goue Vroue se stories in volgorde wil lees:
https://fresh.inlinkz.com/party/fe16b378ba494670a41c59177986b352

Frannie is nou so deurmekaar – sy het sopas ‘n surrealistiese ervaring gehad, deur die kommentare op die vorige uit-die-beurt-blogs van Una, Woordnoot, Toortsie en Seegogga te lees NADAT sy reeds haar eie treurmare gepos het!

Sy wil graag twee dinge sê: 1. Askies vir die misplaaste vertroue wat julle in haar gehad het dat sy mooi broodjies gaan bak en 2. Dankie dat julle haar skoon van haar terneergedruktheid laat vergeet het.

Sy dink julle is baie oulik (al is dit ‘n onbegonne taak om die konsep van die Goue Vroue te verduidelik).

Dankie, Trommeltjies, die praatstok is nou rêrig aan jou oorhandig 😘