Amerikaanse cuisine is ‘n eienaardige kreatuur waaraan ek nie eintlik vat kan kry nie (al sou die vetrolle wat ek in ‘n jaar hier bygekry het, dalk anders getuig). P se ma het die heerlikste gebakte ham en kapokaartappels gemaak en Tomato Pie Café se “Fall Salad” is ‘n salige konkoksie, maar oor die algemeen smaak Amerikaanse kos nie rêrig vir my lekker nie. Bygesê: ek is nou nie juis ‘n goeie proefkonyn nie, want ek hou nie van pasta en pizza nie (gee my goeie ou boerekos!), en “spicy” is myns insiens ‘n ander woord vir selfhaat.
Die Britte het ‘n gesegde wat hulle uit Shakespeare aangepas het : “Gilding the lily” = om iets wat reeds goed/mooi is, onnodig te versier. Amerikaners is meesters in hierdie kuns! Niks het net een geur nie – gaan stap maar in Bath and Body Works rond en lees ‘n bietjie: Vanilla & Patchouli; Rose Water & Ivy; Eucalyptus & Tea; Lemon, Citrus & Bergamot. Mens raak al te maklik deur hierdie speletjie meegevoer – toe ek byvoorbeeld die fynskrif van my gunstelinggeur, Champagne Toast, lees, kom ek agter dit bestaan uit Bubbly Champagne, Sparkling Berries & Juicy Tangerine en in plaas daarvan dat dit my olfaktoriese sintuig vir ewig konfoes, ruik dit vir my heerlik…
So leer V&P se oulike buurvrou oorkant die straat my in 2013 op my eerste besoek van Baked Oatmeal. Nou-die-dag het sy weer vir my ‘n yslike porsie present gegee, waarvan ek vanoggend omtrent een-derde ewe plegtig op Thanksgiving-oggend verorber het. Dit bevat outydse hawermout (sy is adamant: not instant), bruinsuiker, sout, bakpoeier, eiers, melk, kookolie, vanielje, vrugte en neute en word in die oond gebak. Hoe weet ek so presies wat alles daarin is? Omdat sy vir my die resep neergeskryf het en ek gaan hopelik nog my kleinkinders daaraan onderwerp…
Frannie my dogter, haar man en twee seuns was min beïndruk met die Amerikaners se kos. Hulle sê ons kos is baie lekkerder. Nou hoe gaan ek proe hoe smaak daardie oats gereg?
Het die resep vir jou geplaas. Self dink ek dis baie moeite – gewone hawermout is net so lekker.
Dankie Frannie. ❤
Tannie Frannie,stuur asb die resep aan😁
Het dit vir jou geplaas.
Dierbaar!Baie dankie,ek het dit gesien🤩
Baie dankie😀
Eerlike kos.
Dis ‘n mooi beskrywing!
Dit is vir my so interessant om te lees oor hoe ons smaak meskien aangepas is vir die kos waarmee ons groot geword het – natuurlik is daar uitsonderinge. My kinders en kleinkinders wat nou in Noorwee woon het ook met die smaak van die inheemse kos gesukkel. Hulle soek altyd vir die ‘regte’ smaak en nou maak hulle hul eie wors, burgers ens. ‘Gilding the lily’ is ‘n goeie beskrywing want ek dink dat in Suid-Afrika wil ons weet wat ons eet en mense kan iets byvoeg as hulle lus daarvoor is.
My dogter mis SA tee en sjokolade die heel meeste. Hier is darem enkele winkels oor die land versprei wat SA lekkernye verkoop.
Dut klink interessant my kinders het si ba SA
Liefste Seegogga, dis heeltemal te laat in die nag om nou kommentaar te lewer!
Eintlik wou ek sê hulle het hulle eie boerewors gemaak en toe het dit ontwikkel in so n tuisbedryf dat hulle dit as besigheid verkoop het aan ander Suid-Afrikaners toe hulle teruggetrek het SA toe. Maar ek ga nou maar liewer slaap, Frannie!
❤
ek is ook nie seker of ek van oorsese kossmake gaan hou nie. almal skryf altyd van die “spicy” of Mexikaanse kos en ek kan glad nie spicy doen nie. Gee my vleis en gestoomde groente enige tyd van die dag. vis en chips vir iets anders en ‘n heerlike braai met broodjies.
O, ek sou wat wou gee vir ‘n SA braaibroodjie!