My hart is so vol dankbaarheid, dit loop in trane oor.
Donderdag is dit Thanksgiving hier in die VSA – watter lieflike gebruik is dit tog, om amptelik en plegtig van ‘n mens se dankbaarheid oor al jou seëninge te getuig. Vir my was 2020 ‘n jaar van onmeetlike seën, van vertroeteling en bederwery, goedheid en guns.
As alles vlot verloop, “as ons deur al die hoepels gespring kry”, soos my dogter dit stel, vertrek ek oor bietjie langer as ‘n week terug Suid-Afrika toe.
Ons gaan vir oulaas saam kerk toe, waar ek oorstelp word deur die liefde van my Amerikaanse kinders se “gesin in Christus”. Ek kry van alle kante goeie wense, seënbedes word oor my gefluister terwyl ek styf vasgehou word.
“Die gemeenskap van die heiliges” was vandag ‘n lewende, polsende warmte in my dankbare hart.
Tannie Frannie 
Tannie Frannie,soos hulle sé,Wat die hart van vol is loop die mond van oor. Ek is dankbaar dat jy so huppel…en dan wag daar boonop nog die hoepels!
EK kan voel hoe my eie trane besig is om te druppel! Ek is bly dat Thanksgiving vir jou so meningvol was – en ek is bly dat jy kort-kort weer terug in Suid-Afrika sal wees. Wat ‘n ervaring!
Dankie, Anne.
Dit klink besonders
Dit is, al is mense vanjaar aan beperkings onderhewig.
Beslis iets om vir altyd te onthou. Sjoe daar het beslis baie water in die see gevloei vandat jy daar aangekom het en nou binnekort terug sal wees,
Kan nie glo ek is al so lank hier nie!
Kan goed glo. As jy ook so terug dink kan jy seker ook nie glo dat jy so baie beleef het al is jul so afgesluit van alles as mens dit so kan noem.
Frannie dis wat by my opgekom het toe ek hier lees… “You prepare a table before me in the presence of my enemies. (Covid) You anoint my head with oil; my cup overflows.”
Ai, Kameel – dis my gunstelingpsalm!
Awesome Frannie….ek wens ons kon ook eerder n dag van dank gehad het ipv een van hierdie niksseggende vakansie dae….dis eintlik vir my n groter dag as nuwejaar…
Dink aan jou in hierdie tyd.. om te groet en die vooruitsig om weer hier in Suid Afrika by jou familie hier te wees!
Baie dankie, liewe Aletta – daardie vooruitsig het nou so ‘n bietjie verder aangeskuif…
Sterkte vir jou! 💕💕
Dankie Aletta
Dink nog altyd Thanksgiving is eintlik so awesome ding om te doen, wens dit is iets wat die hele wereld sommer wil celebrate. dink is een goeie ding wat die visur ons geleer het weer- die belang van mense. Geniet jou tyd daar sommer baie,x
Het, ‘n paar Amerikaanse vriende, in die landbou en ek besef, hoe belangrik, dit, Thanksgiving, vir hulle is. Jy beleef so baie, al is dit onbeplan.
Ek dink dis dieselfde piëteit waarmee die boere (en stadsmense!) in Suid-Afrika bid vir reën.
Ek kan net dink dat jy vreeslik gaan verlang. Het jy al oorweeg om daar te bly?
Ai, dis ingewikkeld – my kinders gooi die dierbaarste skimpe, maar soos ‘n vriend net gister gesê het: “Ek’s ‘n kind van Afrika.”
Dankbaarheid is ‘n wonderlike sleutel tot geluk. Bly tannie se kuier was goed en dat tannie op pad terug is