Die afgelope week het ek ‘n heel onverwagse kompensasie vir die ouderdom beleef.

‘n Blok van ‘n man het my op die Kaapstadse lughawe kom ontmoet, my in sy karretjie “Rooies” gelaai en by sy ma-hulle in Bredasdorp gaan aflaai. Ek ken hom van sy babadae af – wie sou ooit kon dink dat hy my eendag op ‘n besige lughawe sou kom ontmoet en aanry na ‘n heerlike kuier?

Gister het ons twee weer in Rooies gespring en die pad gevat terug lughawe toe. Ons ry in gemeensame stilte, gesels af en toe, dis die heerlikste ontspanne rit so deur die pragtige landskap van die Overberg.

Canolaland in die Overberg

Om oud te word, is minder erg as ‘n mens so deur die volgende geslag bederf word!

Advertisements