Safaribus

Kameel se karavaantog deur Pretoria was verruklik.

Blou honde en spoke en ‘n blink nuwe sangster – opwinding en glorie!

Toe ek nou so verby die piekniekplek in Rietvlei Natuurreservaat slenter, sien ek ‘n pa, ma en seun – maar ek ken hulle mos! Dis Dries en sy gesin van de Wets Wild. Ek stap nader en stel myself voor. Ons het soooo lekker gekuier…

Sjuut, moenie vir Kameel sê nie, maar ek het kleinkoppie getrek vir daai valskermstorie. Ek het ewe gedweë in die vliegtuigie ingeklim en toe die vlieënier gaan smeek om my groot asseblieftog weg te steek. Nee, julle, ek’s nie bang nie, dis net – ek moet my wang- en nekvelle deesdae goed oppas en die ryery op ‘n Harley veroorsaak ook maar “wear ‘n tear”…