Lees net hierdie heerlike vertelling!
Die dorp Stella het wonderlike kinderdae herinneringe vir my. In besonder Brandstraat. Dit was die straat waarin Oupa Jimmy en Ouma Sannie se huis was. Nommer 10. Vandag lyk Brandstraat heel anders as wat my kinderdae se onthou dit voorgestel het.
Brandstraat
Oupa en Ouma se huis was wit geverf en het so ‘n wye voorstoep waarop Oupa Jimmy graag gesit het en die wêreld bespiet het. Oupa het so ‘n skaaphak kierie gehad waarmee hy jou sommer so nader gehak het. Dit is die straat wat gelei het na die ou klipsaal. Die straat het sommer net daar by die klipsaal gestop. Vandag sou ons praat van ‘n cul-de-sac, maar daardie dae was dit ‘n vreemde woord. Die saal was die middelpunt van die dorp. Dit is nou naas die kerk. Daar was konserte en vergaderings gehou en natuurlik ook het die Vroue Landbou Vereniging hul vergaderings gehou. Ouma…
View original post 623 more words
So mooi! n’ Dorp met die naam Stella? My nuwe neef Stella, wat ek nou net gevind het, hoort om daar te bly in plaas van in Pretoria!
Volgens Wikipedia verwys die naam na die vorm van die dorp, wat soos ‘n ster uitgelê is. Jou neef het ‘n hoogs uitsonderlike naam!
Dit kom van sy ouma — my oupa se tweede vrou. Ek het nie van haar geweet nie tot ‘n maand of so gelede toe sy my opgespoor het, Nou gesels ons lekker.