Heil die Leser!

Hiermee doen ek, Tannie Frannie, nederig en paniekerig aansoek om asiel in die Towerpaleis, Oostenryk.

Vanweë omstandighede buite my beheer, is dit nie langer vir my moontlik om (snik) hier te bly nie.

Uit hoofde van my ondervinding, sal ek graag die Towerpaleis-personeel se kleuters en peuters oppas terwyl hulle ouers die paleisratte glad laat loop. Die paleislike skatkamer sal ‘n puik crèche wees, aangesien klein kindertjies baie lekker met blink goeters speel.

Voorts beroep ek my op hul edeles prinses Camilla en prins Marco se goedgesindheid teenoor ‘n arme ou tannie wie se gesondheid en selfvertroue onlangs ‘n ernstige knou gekry het.

Bygesegd maak ek staat op vroeëre vriendskappe met bepaalde dames wat hulle nou in die Towerpaleis bevind, om ‘n arme voortvlugtige ou tantetjie ‘n veilige heenkome te bied (snot en trane)…

Hoogagtend die uwe

7b8e0e360d0691446c10dd1b17107a3b

(Nou sluit ek met die pen, maar nie met die hoopvolle hart nie.)

Om die inskrywings van verskillende bloggers in Lê-Jou-Eier te lees of om jou deelnemende blog aan te heg, klik op die InLinkz skakel net onder die paddatjie:

http://www.inlinkz.com/new/view.php?id=776174

Vir die reëls van hierdie uitdaging, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Hierdie week is die uitdaging gerig deur die gasblogger Toortsie.