Nou-die-dag was stil en rustig – trouens, te stil en rustig na my sin.

Die middag kom my kleindogtertjie van die kleuterskool af, haar mamma van die werk af en toe daag ander ouma en oupa op − aa, geselskap in oorvloed!

Toe sit daar drie groepies mense om drie selfone geskaar. Hulle kyk na lawwe video’s, na facebook, na die weervoorspelling. Was daar ‘n blogger onder hulle, sou dit seker ook aan die beurt gekom het. Ek sit in die hoekie, sonder my selfoon (verpik of ek dit sal gaan haal!) en steeds sonder geselskap…

Is ek ‘n knorpot omdat ek afgehaal voel?