Sy sit plat op die vloer voor haar kindjie se wiegstoeltjie, haar hele wese op die seuntjie toegespits. “Hoe rooier, hoe mooier!” koer sy vir hom en hy lag so uit sy magie uit. Sy kyk op: “Weet Ma, hy hou so van klanke en woorde – miskien word hy eendag ʼn digter!”
Wanneer ek sien hoeveel sorg, energie, liefde, moeite en angs in die grootmaak van ʼn enkele kindjie ingaan, staan ek heeltemal oorstelp.
Klein Joshi was gister ʼn volle ses maandjies oud. Vandag begin hy met vaste kos – maar o wee, dis heel anders as die sagte pappies en vruggies van ʼn geslag gelede! Hy gaan ʼn keuse kry van skyfies avokado en geroosterde stukkies patat en rooi soetrissie. Sy sussie het ook hierdie regimen van oorskakeling na vaste kos gevolg en ouma se senuwees was gedaan. Ouma besef nou net sy het vergeet wat Jan van Elfen sê oor verstik – wag, dat ek eers weer gaan naslaan…
Ouma is toe amptelik genooi om die eerste ete mee te maak. Joshi het uitgeslaan van die avo, traag aan die mediterreense soetrissie gelek en ‘n groot stuk patat afgeknaag wat hy toe saam met ‘n mondvol melk uitgespoeg het. Sou dit makliker wees om hom lepelsvol sagte kossies in te gee? Vir seker! Maar sy sussie het met hierdie metode van meet af aan self geëet terwyl haar portuur nog gevoer moes word. Ouma moet maar haar senuwees hokslaan!
Word dit vir hom in sy handjie gesit of word dit gevoer?
Uitgestal op die eetstoeltjie se tafelblad sodat hy self kan optel en mond toe bring.
Hy is te pragtig vir woorde. Ek het my kinders leer eet met kaaskrulle (pakkies cheese curls) – slegte ma. Ek is tog bly die kindgrootmaak is nie meer my probleem nie. My kleindogter was gister twee jaar oud en haar ouers doen goeie werk.
Ag kyk hoe pragtig
*fluister* die stomme kind sit dan tussen die vlêrmuise? (grappie)
Bwahahaaa, Tina – ek dink so baie aan jou voorspelling dat Joshua ‘n lewendige, besige knapie gaan wees as ek sien hoe hy alles om hom bekyk en ondersoek.
Sug … en dan sit julle hom nog tussen die gediertes – gelukkig groei hulle so vinnig dat die volgende pakkie hondjies of perdjies kan op hê?
Heheheh – hy het die oulikste babygro vol dinosourusse…
Tenminste beter as vlermuise … hulle kan vriendelik wees
Hy lyk geskok. ‘Wat is dit DIE wat ek nou moet eet?’
Ag is hy nie te pragtig nie!Ek was ook altyd doodsbenoud dat my kinders kan verstik en is ook skoon op my senuwees as ek sien hoe ongeërg party ma’s is wanneer die kleintjies sulke groot stukke kos sit en inwurg.Kyk maar liewer anderpad,Frannie!
Vanoggend was dit stukkies roereier – gelukkig was ouma nie naby nie…
Mens het senuwees van staal nodig!😝
Een van die dae eet hy julle yskas leeg!
Pragtige foto! Wonder hoe my ervaring as ouma met eerste eetsessies gaan wees. Daar is n dogtertjie oppad in Desember! Ek mag dit seker nou maar sê na my vorige te gou bekend maak. Jy geniet die kleinkonders baie. Ek gaan jou stuk vir kos gebruik hierdie week hoor!
Het gewonder hoekom jy nog niks weer vertel het nie – ag die nuus is te wonderlik! Daar slaat ek toe twee Toeka-Tokkel-vlieë met een klap sonder dat ek dit eers besef het 🙂
Aitsa, dit lyk of ons vir die kamera skrik – absoluut te pragtig.
Mooi kereltje precies groot voor 6 maanden
Ik lees graag jullie Afrikaanse taal … en denken dat we hier vroeger ook,zo spraken
Nederlands is vir ons ‘n venster op Europa en so kan Afrikaans dalk vir julle ‘n venster op Afrika wees. Ek waardeer jou kommentaar!
Ek dink alles rondom kindgrootmaak nou se dae is ‘n skok op die sisteem. Sukkel maar goed om mond toe te hou, en anderpad te kyk. Ek is bly jy geniet jou kleinkinders so Frannie; as jy oë uitvee is hy groot.