*My kleindogtertjie – een jaar en elf maandjies oud
- Uitgaanklere word die vinnigste vuil.
- Kos wat vir die hond van die eetstoeltjie af gegooi word, is die soort waarvan die brak niks hou nie.
- Vetkryt teken die lekkerste op die oppervlak wat die moeilikste skoonmaak.
- Klouter en klim is die beste waar ouma nie kan bykom nie.
- Weghardloop vir ouma is die grootste pret.
- Wanneer daar ‘n keuse is van wat om te gryp, sal dit die gevaarlikste voorwerp wees.
- Die graad van stilte staan in direkte verhouding tot die graad van kattekwaad wat aangevang word.
- Hoe later, hoe kwater.
rondomtaliedraai said:
hehehehe… siestog my innige simpatie maar in ‘n sekere mate is die nou regtig fyn spog! Geniet dit!
Tannie Frannie said:
Uitgevang! Jy is ‘n vrou van fyn begrip…
shadowwhisper said:
My gunsteling is:”Die graad van stilte staan in direkte verhouding tot die graad van kattekwaad wat aangevang word.”
nou so lekker gelag vir alles
Spokie sny spoor said:
Ek hou van die ‘weghardloop vir ouma’ – kan nou sien wat wag op my …
ekmyselff said:
Ag lekker, geniet dit.
Toortsie said:
Ja, jaa, dis baie waar! 🙂
ddupl3ss1s said:
Ag dierbaar. Ek wonder of jy fiks is, dit raak vir my nogal n probleem .
Tannie Frannie said:
Geseend met goeie gesondheid, waaroor ek innig dankbaar is!